عام

الطفل الأكثر تمرداً !

By مايو 5, 2019 No Comments

عُمر حسين – الإسكندرية
1/ مايو / 2019

  • يا ابني لحد امتى هتفضل ما تسمعش الكلام ؟
  • بابا انت على طول عايزني اسمع الكلام واعمل الي انت عايزه وخلاص
  • ايوا انا ابوك ولازم تسمع كلامي انت ليه مش عايز تقتنع ان الي بقولهولك هو الصح
  • عشان انت يا بابا عمرك ما حاولت تعمل حاجا تخليني اقتنع بالي بتقوله
  • يا ابني ما انا عملت حاجات كتير مع اخواتك وبرضو ما اقتنعوش بكلامي ده حتى اخوك الكبير زمان جبتله ارنب عشان يلعب معاه يقوم الغبي دابحه عشان ياكله
  • يا بابا يا حبيبي انا مالي ومال اخواتي الي عملتلهم حاجات وما سمعوش كلامك مش معنى انهم ما سمعوش انو انا كمان مش هسمع كلامك ثم انو ايه حكاية الارنب انت كذا مره تحكيلي عليها
  • انت فالح تقاوح وخلاص انتو كدا ديما بتحبو تجادلو في كل حاجا
  • مش بجادل يا بابا بس انت كلامك غريب وبتقول اي حاجا وخلاص
  • احترم نفسك عيل مش متربي بصحيح ما ينفعش معاك الكلام بالراحة
  • بابا انت على طول بتتعصب وبتزعق على كل حاجا وكل ما اتكلم كلام ما يعجبكش تقولي هلسعك بضهر المعلقة وتفضل زعلان مني لحد ما اعد اتاسفلك كتير اوي بابا انا تعبت اوي انت ليه بتعمل كدا معايا ؟
  • انا ابوك ولازم تسمع كلامي وتبقى مؤدب معايا
  • بابا انت خلفتني ليه يا بابا ؟
  • انا بنيت البيت ده وخلفتك انت واخواتك عشان تكملو بنا في البيت
  • طب ما انت يا بابا الي خلاك تبني كل الادوار دي كنت بنيت الكام دور الي فاضلين لزمتها ايه تخلفنا ثم انو انت ليه اصلا بنيت البيت ده كله وانت في الاخر هتهده وتاخدنا نعيش في دريم بارك ؟
  • انا كنت عارف انك هتسالني السؤال ده بس انت مش فاهم وانا مش هفهمك
  • ليه يا بابا يا حبيبي ؟
  • لسبب في نفسي
  • بابا ممكن اسالك سؤال ؟
  • قول
  • هو انا ليه يا بابا كل ما اتكلم معاك تكلمني من ورا الباب وانت قافل على نفسك الاوضه هو انا ليه مش بشوفك وبقعد معاك يا بابا ؟
  • ما ينفعش
  • ليه يا بابا ؟
  • ما ينفعش وخلاص ويلا روح نام بقى ما تصدعش دماغي
  • لا يا بابا انا مش هنام انا هاجي افتح الباب عشان اقعد معاك واتكلم معاك وانا شايفك
  • ولد اسمع الكلام
  • لا يا بابا
  • انا بحذرك اياك تفتح الباب
  • هفتحه يعني هفتحه خلاص انا بطلت اخاف منك
    ……………….
    وفتح الباب واتصدم صدمة كبيرة جدا بعد ما دخل اوضة ابوه …
    تفتكروا اتصدم من ايه ؟
    …. انتهى ….
أعجبك المقال؟ نَحتاج لدعمك لنا على باتريون !

شَارك بـ رأيك

%d مدونون معجبون بهذه: